Frantsııada Fragonardyń joǵaldy dep sanalǵan týyndysy tabyldy
ASTANA. QazAqparat - Frantsııanyń soltústik-batysynda Normandııadaǵy qorǵandardyń birinde XVIII ǵasyrdaǵy frantsýz sýretshisi Jan Onore Fragonardyń eki týyndysy tabyldy. Olardyń quny 6 mln eýroǵa baǵalanýda.
«Kóleńkeler oıyny» jáne «Átkenshektegi oıyn» týyndylary 1786 jyldan beri joǵalǵan dep sanalǵan. Ony aýktsıon uıymdastyrǵan frantsýzdyq kompanııanyń mamany tapty. Qorǵan ıeleri olardyń úıinde ulttyq ıgilik retinde sanalatyn shedevrler jatqanyna kúmánderi bolmaǵan, biraq kartına qashannan beri olarda degen suraqqa jaýap bere almady.
Jergilikti metsenattarda óner týyndylaryn satyp alýǵa qarajat jınaýǵa ýaqyt jetkilikti bolý úshin kartınany Frantsııadan 30 aı ishinde syrt elge shyǵarýǵa tyıym salyndy.
