Frantsııada fantast jazýshylardy áskerge shaqyryp jatyr
NUR-SULTAN. QazAqparat - Frantsııa armııasy tehnologııalyq qaýip-qaterdiń jańa túrlerine boljam jasaý úshin fantast jazýshylardy áskerge shaqyryp jatyr, dep habarlaıdy VVS.
Fantast jazýshylardan «Qyzyl jasaq» degen arnaıy top qurylady.
Frantsııa Qorǵanys ınnovatsııalary agenttiginiń baıandamasynda qııaly erekshe júırik jazýshylar jańa tehnologııalardy qoldaný múmkindikteri, shabýyl kezindegi qorǵanys túrleri sııaqtylardy oılastyratyny aıtylǵan.
«Qyzyl jasaq» 4-5 adamnan toptastyrylady. Olar qorǵanys máselesine áskerı strategter sııaqty emes, shyǵarmashyl kózben qaraıdy.
Jazýshylardyń jumysy qatań qupııa saqtalady.
