Frantsııada er adam 50 jyl mısyz ómir súrgen
ASTANA. QazAqparat - Adam mısyz ómir súre almaıtyny belgili. Alaıda 2007 jylǵy Lancet jýrnalynan frantsýz azamatynyń ómiri jaıynda jazylǵan materıal tabyldy. 44 jastaǵy er adam aýrýhanaǵa kelip, sol aıaǵynyń álsiz ekenin aıtyp shaǵymdanǵan. Dárigerler ony tekserip, bas súıeginiń artqy bóliginen iriń tolyp ketken isikti tapty. ıAǵnı bas súıek julyn suıyqtyǵyna tolyp, mı zatynyń az ǵana bóligi qalǵan.
Frantsııa azamaty kishkentaı kezinde gıdrotsefalııadan - mı qarynshalary men mı qabyǵy astynda suıyqtyqtyń jınalýynan zardap shekkeni anyqtaldy. Alaıda oǵan shýnt ornatqan. Ol mıdan artyq suıyqty alyp otyrǵan. 14 jasynda shýnt alynǵan.
Budan keıin er adam ózgeler sııaqty ómir súrgen. Ol úılenip, eki balanyń ákesi atandy. Atap ótý kerek, onyń IQ deńgeıi 75-ti kórsetedi.
