Frantsııada elektromobıl qoǵamdyq kólikteri paıdalanýǵa berildi
ASTANA. QazAqparat - Frantsııanyń Grenobl qalasynyń kóshelerinde ýltrashaǵyn elektromobıl paıda boldy. Olar qoǵamdyq kólik júıesine endi, dep jazady vokrugsveta.ru
Elektromobılder men qýattandyrý stansalary qalaǵa teń dárejede bólinip, qalalyq kólik jelisine qosyldy. Jolaýshylar óz marshrýttaryn josparlap, mobıldik qosymsha arqyly elektromobılderdi paıdalana alady.
1 qazannan bastap, jolaýshylar 35 úsh dońǵalaqty Toyota i-ROAD jáne 35 tórt dońǵalaqty Toyota Auto Body's COMS - 70 elektromobılderdiń birin tańdap, jolǵa shyǵýyna, sodan keıin ony jaqyn stansa núktesine qaldyryp ketýine bolady. Kýáligi bar 18 jastan asqan kez kelgen adam kólikti júrgize alady. Kólikter birinshi kezekte, qysqa jolǵa negizdelgen. Sondyqtan, onymen júrý arzanǵa túsedi. Budan basqa, jergilikti qoǵamdyq kóliktiń jyldyq kartasy bar adamdarǵa eleýli jeńildikter usynylady. Elektromobıl qýaty osy jyldyń aıaǵyna deıin tegin. Al 2015 jyldyń qańtarynan bastap, saǵatyna 2-5 eýro bolmaq. Qoǵamdyq kólik jelisine jaýap beretin renoble-Alpes Metropole ókilderiniń aıtýynsha, kóliktiń jańa túri atmosferaǵa taraıtyn kómirqyshqyl gazynyń mólsherin azaıtpaq.
