Frantsııada ekspress testiniń kóp bóligi qarttar úılerine jiberiledi
BRıÝSSELЬ. QazAqparat – Frantsııanyń Nıettestik jáne densaýlyq saqtaý mınıstri Olıve Veran el úkimetiniń COVID-19 anyqtaıtyn 1,6 mln ekspress testini qarttar úılerine jiberip jatqanyn málim etti, dep habarlaıdy QazAqparat.
Bul testiler áleýmettik mekeme qyzmetkerleriniń arasynda ınfektsııany jedel anyqtaýǵa múmkindik beredi. Bul – Frantsııa úkimetiniń ásirese pandemııanyń birinshi tolqynynan kóbine moraldik jaǵynan zardap shekken qarttar úıleriniń turǵyndaryn jappaı oqshaýlanýyn boldyrmaýǵa qatysty qoldanyp jatqan sharalanyń bir bóligi. Osy aptada osyǵan uqsas keńinen ekspress testileý baǵdarlamasy Germanııada iske qosylǵan.
Frantsııadaǵy qarttar úılerinde koronavırýs pandemııasynyń qysymy aıtarlyqtaı ósip keledi: sońǵy aptanyń ishinde onda qaýipti vırýstan 400-den astam adam qaıtys bolǵan, kóptegen egde jastaǵy adamdar óz bólmesinde jalǵyz qamalyp, týysymen aralasýdan qalǵan.
«Bizdiń maqsatymyz – birinshi tolqynnan keıin ózimizge sabaq alý», - dedi Nıettestik jáne densaýlyq saqtaý mınıstrliginde mınıstr-delegat Brıjıt Býrgınon Parıjden ońtústikke qaraı ornalasqan qarttar úıine barǵan kezde.
Frantsııanyń Qoǵamdyq densaýlyqty saqtaý agenttiginiń málimetinshe, sońǵy eki aptanyń ishinde eldegi qarttar úıinde qaıtys bolǵan adamdardyń sany bunyń aldyndaǵy bes aıdyń ishinde kóz jumǵandardan áldeqaıda kóp bolǵan. Juma kúni densaýlyq saqtaý mınıstri áleýmettik mekemelerdiń 15 paıyzynda qazirgi kezde vırýsty juqtyrý oqıǵalarynyń jıilep ketkenin jáne «ólim deńgeıiniń kórsetkishi birinshi tolqyndaǵydaı, kún sanap ósip jatqanyn» málimdedi.
Frantsııanyń qarttar úıinde koronavırýstan 12 079 adam ólgen. Bul – Frantsııada COVID-19 vırýsynan qaıtys bolǵan adamdardyń tirkelgen jalpy sanynyn (39 037 adam) kóp bóligi jáne álemdegi eń joǵary kórsetkishtiń biri.
Avtory Arnur Rahymbekov
