Frantsııada eki poıyz soqtyǵysty: keminde 17 adam jaralandy
ASTANA. QazAqparat - Frantsııanyń ońtústiginde eki poıyz soqtyǵysty, sonyń saldarynan keminde 17 adam jaralandy, dep habarlady Bı-bı-sı.
Oqıǵa Po qalasynyń mańynda boldy.
Apatqa TGV jelisine kiretin joǵary jyldamdyqty júrdek poıyz qatysqan, onda 170-ten astam jolaýshy bolǵan. Alaıda, aldyn ala málimetter boıynsha, apat kezinde poıyz jaı júrip kele jatqan.
Bul oqıǵanyń sebepteri ázirge belgisiz. Ótken jyly Parıj túbinde poıyz aýdarylǵannan keıin Frantsııadaǵy temirjoldar jelisine aýqymdy jóndeý jumystary qajettigi aıtylǵan edi.
