Frantsııada eki kúzetshige pyshaq salǵan tutqyndy ustaý úshin túrmege shabýyl jasaldy
ASTANA. QazAqparat - Polıtseıler Frantsııanyń soltústik batysyndaǵy (Orn departamenti) Konde-sıýr-Sart eldi mekenindegi túrmege shabýyl jasap jatyr. Munda tutqyn kúzetshilerge pyshaq salyp, artynsha jolyǵysatyn bólmege bekingen.
Bul týraly BFMTV telearnasy habarlady.
Telearnanyń derekterine qaraǵanda, oqıǵa ornynda jarylǵan granatanyń daýsy estilip jatyr.
Shabýylǵa arnaıy jasaq brıgadasy men qaýipsizdik jáne jedel aralasý boıynsha óńirlik top qyzmetkerleri qatysýda.
Túrme ǵımaratynda birneshe tikushaq tur. Olardyń biri jedel medıtsınalyq kómekke arnalǵan.
Budan buryn 27 jastaǵy tutqyn eki baqylaýshyny pyshaqtap, artynsha syrttan kelgen jandarmen jolyǵysý bólmesine tyǵylǵan.
Kúzetshiniń ekeýi de shuǵyl aýrýhanaǵa jetkizildi. Olardyń ómirine qaýip tónip turǵan joq.
RTL radıostantsııasynyń habarlaýynsha, bul qylmysker adam urlaǵany jáne óltirgeni, sondaı-aq kisi tonaǵany, terrorızmdi ashyq aqtaǵany úshin 30 jylǵa bas bostandyǵynan aıyrylǵan.
Frantsııanyń ádilet mınıstri Nıkol Bellýbe bul keleńsiz jaǵdaıdy lańkestik shabýyl dep atady.
