Frantsııada dúken men kınoteatrǵa kirý úshin vaktsına týraly anyqtama talap etilmek

NUR-SULTAN. QazAqparat – Frantsııada dúken, bar jáne kınoteatrlarǵa kirý úshin vaktsına týraly anyqtama talap etilmek, dep habarlaıdy QazAqparat BBC-ge silteme jasap.

Frantsııa prezıdenti Emmanýel Makron 21 shildeden bastap Frantsııada dúken, bar jáne kınoteatrlarǵa kirý úshin vaktsınalaý týraly anyqtama nemese jaqynda ótken vırýstyń joqtyǵyn dáleldeıtin testileý nátıjesin kórsetý kerek ekenin aıtty

«Men sizderden ne surap turǵanymdy jáne sizderdiń oǵan daıyn ekenderińizdi de bilemin», - dedi Makron dúısenbi kúni telearnadan.

Budan buryn Frantsııanyń Densaýlyq saqtaý mınıstri Olıve Veran 15 qyrkúıekke deıin barlyq medıtsınalyq qyzmetkerlerdiń ekpe alýy kerek ekenin, áıtpese, olardyń jalaqydan aıyrylatyny týraly eskertken edi.

Prezıdenttiń málimdemesinen soń Doctolib saıtyna kirgen adamdar sanynyń kúrt kóbeıgen. Bul saıt vaktsına alýǵa aldyn ala kezekke turýǵa múmkindik beredi.

Frantsııada «Delta» nusqasyn juqtyrý oqıǵalary kóbeıip, aýrýhanaǵa túsýshiler sany artýda.

Sarapshylar aldaǵy aılarda elde epıdemııanyń ekinshi tolqyny bastalýy múmkin ekendigin eskertýde. Olardyń aıtýynsha, vırýstyń taralýyn qadaǵalap otyrý úshin eldegi turǵyndardyń kem degende 95% vaktsına alýy kerek.

Búgingi kúni Frantsııa halqynyń jartysynan astamy ǵana ekpe alǵan, vaktsınanyń eki komponentin alǵandardyń úlesi – 40% ǵana.