Frantsııada daýyl saldarynan 110 myńnan astam úı jaryqsyz qaldy
NUR-SULTAN. QazAqparat - Frantsııanyń ońtústik batysynda bolǵan qatty jel men nóser saldarynan 113 myńǵa jýyq úı elektr jaryǵynsyz qaldy, dep habarlaıdy QazAqparat Le Parisien gazetine silteme berip.
13 jeltoqsan túnde daýyl kúsheıip, Dordon, Land, Lo jáne Garonna, Pa-de-Kalle jáne basqa aımaqtardaǵy 400 myń úı elektr energııasyz qaldy. Degenmen tańǵa jýyq olardyń sany azaıdy. Kommýnaldyq qyzmet qolaısyzdyqtardy joıaýǵa tyrysyp, elektr energııasyn berýdi retke keltirip jatyr.
Sınoptıkterdiń málimeti boıynsha, daýyl men qatty nóser Frantsııanyń batysyna qaraı jyljyp barady. Mundaı aýa raıy erteń, 14 jeltoqsan kúni tańǵa deıin saqtalady. Memlekettiń kóp aýmaǵynda jeldiń kúshi saǵatyna 80-90 km deıin jetedi.
