Frantsııada dári-dármekti synaǵan mamandar ýlanyp qaldy
ASTANA. QazAqparat - Frantsııada jańa dárini synaǵannan keıin birneshe adam aýyr halde aýrýhanaǵa jetkizildi, bireýi es-tússiz jatyr, dep habarlady eldiń densaýlyq saqtaý mınıstrligi.
Bı-Bı-Sı agenttiginiń habarlaýynsha, oqys oqıǵa eldiń soltústik-batysyndaǵy Renn qalasyndaǵy jeke zerthanalardyń birinde bolǵan.
Frantsııa prokýratýrasy tergeý jumystarynyń bastalǵany jaıly málimdedi.
Dári-dármekti synaý sharasy dereý toqtatylǵan, al oǵan qatysqandar shyǵarylǵany habarlandy. Dáriniń ataýy qupııa ustalyp otyr, alaıda bul qarasora negizinde jasalǵan aýyrsynýdy basatyn dári degen naqtylanbaǵan málimet bar.
