Frantsııada buzaqylar 897 mashınany órtep jiberdi
ASTANA. QazAqparat - Frantsııanyń ulttyq merekesi - Bastılııany alǵan kúndi atap ótý kezinde buzaqylar 897 avtomobıldi jaǵyp jibergen, dep jazady TASS.
Frantsııanyń mınıstrlik ókilderin taratqan málimetterge qaraǵanda, ótken jyly osy mereke kezinde 855 kólik órtengen. Eldegi basty merekeni toılaý kezinde qoǵamdyq tártipti buzǵan 368 adam qamalǵan.
«Eldiń birqatar qalalarynda quqyq qorǵaý ókilderine shabýl jasaý oqıǵalary boldy. Onyń saldarynan 30-ǵa jýyq polıtsııa men áskerı qyzmetkerler zardap shekti», - dep atap ótti mınıstrlik ókilderi.
Aıta keteıik, eldegi mereke kúnderi turǵyndardyń qaýipsizdigin 86 myń polıtsııa qyzmetkeri, sondaı-aq «Santınel» kúzet operatsııasy aıasynda 7 myń áskerı qyzmetker qadaǵalady.
