Frantsııada burynǵy saıasatker meshit aldynda adamdarǵa oq jaýdyrdy
BAIONNA. QazAqparat – Frantsııada adamdarǵa oq jaýdyryp, jergilikti meshitti órtemek boldy degen kúdikpen 84 jastaǵy er adam ustaldy, dep habarlaıdy QazAqparat The Guardian basylymyna silteme jasap.
Baıonna qalasynda bolǵan atystan keıin 74 jáne 78 jastaǵy eki er adam aýyr jaralandy. Olar aýrýhanada jatyr.
Jergilikti polıtsııanyń málimetinshe, kúdikti aldymen meshitke ot qoımaq bolǵan, munysyn baıqap qalǵan adamdarǵa qaraı oq jaýdyra bastaǵan. Sóıtip, mashınasyn órtep, artynsha izin sýytqan.
Kúdikti Landadaǵy úıinen 16 shaqyrym jerde ustaldy.
Reuters agenttiginiń aqparatyna sáıkes, kúdikti 2015 jyly Landadaǵy jergilikti saılaýda Marın Le Penniń ásire ońshyl «Ulttyq maıdan» (qazirgi Ulttyq birlestik) partııasyna kandıdat bolǵan. Ári saılaýdyń alǵashqy týrynda 18% daýys jınaǵan.
Ulttyq birlestik ókilderi de muny rastap otyr. Biraq partııanyń ıdeıasyn unatpaǵandyqtan, partııadan ketip qalǵan.
Frantsııa Prezıdenti Emmanıýel Makron meshitke jasalǵan shabýyldy qatań aıyptap, «musylman azamattardy qorǵaıtynyn» málimdedi.
