Frantsııada Borıs Berezovskııdiń eki ıahtasy tutqyndaldy
ASTANA. 18 aqpan. QazAqparat - Reseıdiń ótinishi boıynsha Frantsııada ataqty kásipker Borıs Berezovskııdiń jalpy somasy 20 mln. AQSh dollaryn quraıtyn eki teńiz ıahtasy tutqyndaldy.
Soǵan qosa, kásipkerdiń basqa da qundy múlikteri, sonyń ishinde sýretteri tárkilendi. Bul týraly ITAR-TASS RF Bas prokýratýrasynyń resmı ókili Marına Grıdnevaǵa silteme jasaı otyryp habarlaıdy.
«Bıylǵy jyldyń aqpan aıynda RF Bas prokýrory ıÝrıı Chaıkanyń saparynan keıin belsendi bola bastaǵan Reseı Federatsııasy Bas prokýratýrasy men Frantsııa respýblıkasy quzyretti organdarynyń arasyndaǵy tyǵyz jáne jemisti yntymaqtastyqtyń nátıjesinde frantsýz quqyq qorǵaý organdary Borıs Berezovskııge tıesili eki ıahta men ózge de múlikterdi tutqyndady», - dedi RF Bas prokýratýrasynyń resmı ókili Marına Grıdneva.
