Frantsııada bolǵan daýyldan 50 adam zardap shekti
ASTANA. QazAqparat - Frantsııanyń soltústiginde jáne soltústik shyǵysynda daýyldyń saldarynan 237 úı jaryqsyz qaldy, dep jazady Le Figaro.
Frantsııa Іshki ister mınıstrliginiń basshysy Brýno Le Rý tabıǵattyń dúleı kúshiniń saldarynan 50-ge jýyq adamnyń jeńil jaraqat alǵanyn habarlady. Qurban bolǵandar joq dep jazady korrespondent.net.
Qystyń kúni bolǵan qýatty jel búgin túnde eldiń jekelegen aýdandaryna aıtarlyqtaı materıaldyq shyǵyn keltirgen. 1 myńnan astam adam qaýipsiz aımaqqa kóshirilgen.
Pıkardııada 70 myń úı, Normandııady 65 myń úı jaryqsyz qaldy.
Daýyldyń saldarynan keıbir aýdandarda poıyzdardyń qozǵalysyna tyıym salý qajet boldy. Bove áýejaıynda barlyq reıster keıingi qaldyryldy. Birneshe mektepte oqý toqtatyldy.
