Frantsııada bir jylda 1 mln adam temekini tastaǵan
ASTANA. QazAqparat - Frantsııada sońǵy onjyldyqta temeki tartatyndar sanynyń azaıýy rekordtyq kórsetkishke jetti. Bul týraly VVS habarlaıdy.
2016-2017 jyldarmen salystyrǵanda olardyń sany mıllıonǵa qysqarǵan. Frantsııa qoǵamdyq densaýlyq saqtaý qyzmeti júrgizgen áleýmettik saýalnamanyń qorytyndylary osyny rastap otyr.
Zertteý nátıjelerine qaraǵanda, 2016 jyly 18-75 jas aralyǵyndaǵy frantsııalyqtardyń 29,4%-y temeki shekse, byltyr bul kórsetkish 26,9%-dy quraǵan.
Ásirese, jastar men tabysy az turǵyndar arasynda temekiden bas tartyp jatqandar kóp. Mamandar buǵan sebep retinde jýyrda Frantsııada temekige qarsy normalarǵa engizilgen ózgeristerdi kórsetip otyr. Atap aıtqanda, sońǵy jyldary elde temeki markalarynyń oramdaryn birkelki etý, temeki ónimderiniń baǵasyn kóterý, temekini tastaýǵa áreket etip júrgenderdi yntalandyrý, Ulttyq temekige qarsy kún sııaqty sharalar oń nátıjesin bergen.
