Frantsııada beıbit sherý sońy tártipsizdikke ulasty
ASTANA. QazAqparat - Frantsııanyń Nant qalasynda eńbek zańnamasynyń reformasyna qarsy ereýil ótip, sońy tártipsizdikke ulasty, dep habarlady 24.kz.
Basynda sherý beıbit túrde ótken. Keıin jıylǵan jurt dúkenderdiń terezelerin qıratyp, janǵysh suıyqtyq quıylǵan qutylardy laqtyra bastaǵan.
Tártip buzǵan birneshe adam qamaýǵa alyndy. Biraq olardyń naqty sany ázirge belgisiz. Qazir shahar tynyshtyǵyn polıtsııa men arnaıy jasaq baqylaýǵa aldy. Degenmen, eńbek mınıstri usynǵan zań jobasyna qarsy narazylyq sharalary áli basylmaı tur.
Qujat qyzmetkerlerdiń jumys saǵatyn kóbeıtip, ústemaqy mólsherin azaıtýdy kózdeıdi.
