Frantsııada betperde kıgen belgisiz bireýler kóshede birneshe adamdy atyp ketti
NUR-SULTAN. QazAqparat – Frantsııadaǵy Bezanson qalasynda betperde kıgen belgisiz bireýler kóshede oq jaýdyryp, úsh adam jaralandy, dep habarlaıdy QazAqparat France Bleu radıostantsııasyna silteme jasap.
Qolda bar derekke qaraǵanda, betperde kıgen úsh ne tórt adam kóshede oq jaýdyryp, artynsha izderin sýytqan. Polıtseıler oqıǵa ornynan 15 gılza men granata tapty.
Atys jergilikti ýaqyt boıynsha 19: 15-te bolǵan. Zardap shekkenderdiń bireýi aýyr jaǵdaıda. Birneshe oq onyń keýdesine tıgen. Al ekinshi adam jambasynan jaralanǵan, úshinshisin oq ilip ketken.
Bezanson prokýratýrasy tergeý jumystaryn bastady.
