Frantsııada belgisiz bireýler meshitten shyǵyp kele jatqan adamdarǵa oq atty
ASTANA. QazAqparat - Frantsııanyń Avınon qalasyndaǵy (eldiń ońtústik shyǵysy) meshittiń mańynda bolǵan atys kezinde keminde 8 adam zardap shekti. Bul týraly La Provence basylymyna silteme jasap TASS habarlaıdy.
BAQ ókilderiniń habarlaýynsha, betine betperde kıgen eki adam meshitke kelip, ǵımarattan shyǵyp jatqan adamdarǵa oq jaýdyrǵan. Oqıǵanyń saldarynan kóshede júrgen 4 adam men sol mańaıda turatyn otbasynyń músheleri zardap shekti.
Oqıǵa ornyna quqyq qorǵaý qyzmetkerleri jetti. Oq atqandar izin sýytyp úlgerdi.
