Frantsııada Bastılııany alatyn kúni 845 kólik órtelgen
BRıÝSSELЬ. QazAqparat - 13-14 shildede Frantsııada Bastılııany alý kúnin merekeleý kezinde 845 kólik órtenip, 508 adam ustalǵan. Bul týraly jeksenbi kúni keshkisin eldiń ishki ister mınıstrligi málim etti, dep habarlaıdy «QazAqparat» HAA menshikti tilshisi jergilikti BAQ-qa silteme jasap.
ІІM deregi boıynsha, jaǵyp jiberilgen kólikter sany byltyr 897 mashına bolǵan. Alaıda, ustalýshylar sany 2017 jyly 368 bolsa, bıyl 508 adamǵa jetken.
Іshki ister mınıstrliginiń aqpartyna sáıkes, eki túnde 29 polıtsııa qyzmetkeri jaraqat alǵan. Bul ótken jylǵydan 8 tártip saqshysyna kóp.
14 shildede merekelik is-sharalar kezinde jáne Máskeýdegi fýtboldan Álem chempıonatynda Frantsııa komandasy jeńiske jetken kúni 110 myń polıtseı men jandarm jumyldyrylǵan.
