Frantsııada balalary perzenthanada aýysyp ketken eki otbasyǵa 2 mln. eýro tólenetin boldy
ASTANA. QazAqparat - Frantsııadaǵy Gras qalasynyń soty Kanndaǵy perzenthanada 20 jyl buryn dúnıege kelgen qyzdary shatastyrylǵan eki otbasyǵa 1,8 mln. eýro tóleýdi mindettegen.
Bul qatelik nárestelerdi baıqamaı shatastyryp alǵan kishi medbıke áreketteriniń saldarynan boldy. Eki áıelge olardyń kúdik bildirgendikterine qaramastan bóten balalar tabystalǵan.
On jyl ótken soń otbasylyq juptardyń biri ákelik jáne analyqqa testileýden ótken soń, bóten balany ósirip júrgenderin bildi. Sol kezden bastap olar ózderine uqsamaǵan qyz balanyń týǵan ata-anasyn izdeýge kiristi.
Biraz ýaqyt ótken soń bul otbasy da tabyldy, biraq ata-analar eshteńe ózgertpeýge sheshim qabyldaǵan. Degenmen olar balalaryn aýystyryp bergen perzenthananyń ústinen sotqa shaǵymdandy.
