Frantsııada avtokólik adamdar toly dámhanaǵa aıdap kirdi
ASTANA. QazAqparat - Frantsııanyń Set-Sor qalasynda er adam dámhananyń ishine kóligimen aıdap kirip, adamdardy basty, dep habarlaıdy QazAqparat TASS agenttigine silteme jasap.
On úsh jasar qyz bala oqıǵa ornynda kóz jumdy, taǵy 12 adam túrli dárejedegi jaraqattar aldy.
Er adam kóligimen pıtstserııaǵa aıdap kirip, keshki as iship jatqan adamdardy janshyǵan. Tergeýdiń aldyn ala málimeti boıynsha, bul qasaqana jasalǵan, degenmen, terakti nusqasy birden joqqa shyǵaryldy.
«Іs-árekettiń aldyn ala josparlanǵandyǵy kúmánsiz. Er adam dámhanany qasaqana buzyp kirgen. Ony jandarmdar dereý qolǵa túsirdi, ol qarsylyq kórsetken joq», - dedi Frantsııa Іshki ister mınıstrliginiń resmı ókili Per-Anrı Brandeon.
Onyń atap ótýinshe, ustalǵan azamat 1985 jyly týǵan, ol buǵan deıin ádilet pen barlaý organdarynda, polıtsııaǵa jaýapqa tartylmaǵan. «Qolda bar málimetke súıensek, ol ótken aptada óz-ózine qol jumsamaq bolǵan. Tergeý bul adamnyń áreketine ne túrtki bolǵanyn anyqtaýy tıis. Terakti nusqasy tolyǵymen joqqa shyǵarylǵandyǵyn aıta almaımyn, biraq ol naqty basymdyqty nusqa bolyp tabylmaıdy», - dep atap ótti ІІM ókili.
