Frantsııada áskerı ushaq múgedekter ortalyǵy ǵımaratyna qulaǵan
ASTANA. QazAqparat - Frantsııada áskerı áýe kúshteriniń ushaǵy múgedekterge kómek kórsetý ortalyǵynyń ǵımaratyna qulady.
Alphajet oqý-jattyǵý ushaǵy Týr qalasyndaǵy avıabazadan ushyp shyqqan. Apat saldarynan bir adam ajal qushyp, keminde úsh adam túrli jaraqattar alǵan. Oqıǵa Vývre aýdanynyń mańynda oryn alǵan. Basylymnyń habarlaýynsha, apat oryn alǵan sátte ushaqta eki adam bolǵan. Tehnıkalyq aqaýlardyń týyndaýy sebepti ushqysh pen onyń qasyndaǵy nusqaýshy ushaqtan sekirip úlergen. Al zardap shekkender - atalmysh ortalyq ǵımaratynda sol ýaqytta bolǵan adamdar, dep habarlaıdy La Nouvelle Republique.
