Frantsııada aptap ystyqtan 700 adam kóz jumdy
ASTANA. QazAqparat - Frantsııa aýmaǵynyń basym bóligin qamtyǵan qyryq gradýstyq ystyq 29 maýsym men 5 shilde aralyǵy kezeńinde 700-ge jýyq adamnyń ólimine sebep boldy. Bul týraly búgin Frantsııa densaýlyq saqtaý mınıstri Marısol Týren habarlady, dep jazady BELTA.
Qazir Frantsııada Ispanııa arqyly Saharadan kelgen ystyq aýa raıynyń ekinshi tolqyny bastaldy. Búgin eldiń birqatar qalalarynda aýa temperatýrasy kóleńke jerdiń ózinde 38-39 gradýsty kórsetken. Parıjde - 36-37 gradýs. Bir apta buryn frantsýz astanasynda termometr kórsetkishi 39,7 gradýsqa deıin kóterilgen. Sınoptıkterdiń habarlaýynsha, bıyl jaz boıy Frantsııada qatty ystyq bolady.
