Frantsııada Apple-ge qarsy tekserý bastaldy
BRıÝSSELЬ. QazAqparat - Frantsııada prokýratýra iPhone smartfondarynyń keıbir úlgileriniń qasaqana báseń jumys isteýine baılanysty Apple kompanııasyna qarsy tergeý jumystaryn bastady, dep habarlaıdy «QazAqparat» HAA menshikti tilshisi.
Tergeý jumystary «Josparly eskirýge jol joq» atty qaýymdastyqtyń Parıj qadaǵalaý vedomstvosyna túsirgen shaǵymynan keıin bastaldy.
Apple kompanııasy óz ónimderiniń jumys isteý merzimin ádeıi qysqartty degen kúdikke ilikti. Bul frantsýz zańynda jazaǵa tartylatyn áreket sanalady.
Amerıkanyń iri kompanııasynyń jyldyq aınalymynyń bes paıyzyna deıingi kólemde aıyppul salynýy múmkin, alaıda is sotqa jetpeýi múmkin.
Budan buryn jeltoqsanda Apple qoldanýshylarynyń aldynda iPhone-nyń eski úlgileriniń baıaý jumys isteýine baılanysty keshirim suraǵan bolatyn. Kompanııa bul áreketin tozyǵy jetken batareıalarmen túsindirgen.
