Frantsııada ap-aryq modelderdi kórsetýge tyıym salyndy
ASTANA. QazAqparat - Frantsııada sándik kórsetilim men jarnamalyq túsirilimderde ap-aryq modelderdi kórsetýge tyıym salynatyn zań qabyldandy.
Bul qujat modelderdiń de, eldegi basqa azamattardyń da, sonyń ishinde jas áıelderdiń densaýlyǵyna qamqorlyq tanytý maqsatynda qabyldandy, dep málimdedi juma kúni densaýlyq saqtaý mınıstri Marısol Týren.
Onyń aıtýynsha, tabıǵı emes jáne shynaıy emes sulýlyq talaptary áıelderdiń ózin-ózi kem sezinip, óz kezeginde tamaqty toıyp jemeýine ákelip soqtyryp jatyr.
Jańa erejege sáıkes, modelder jumysqa qabyldanatyn kezde dárigerden densaýlyq jaǵdaıy týraly, sonyń ishinde dene salmaǵy ındeksiniń (salmaǵy men boıynyń qatynasy) qalypty deńgeıde ekendigi jaıly anyqtama alyp kelýi kerek.
Jumys berýshi zańdy oryndamaǵan jaǵdaıda, 75 myń eýro aıyppul tóleıdi nemese alty aıǵa deıin bas bostandyǵynan aıyrylady.
Jańa ereje 1 qazan kúni kúshine enedi.
