Frantsııada álemdegi eń uzaq fılm kórsetiledi
ASTANA. Qarashanyń 11-i. QazAqparat - Frantsııada álemdegi eń uzaq fılm kórsetilmek. Kórsetilý ýaqyty 150 saǵatty quraıtyn jáne 30 jyl boıy túsirilgen ol fılmdi rejısser Jerar Kýran 1978 jyly qolǵa alǵan.
Kartına óner juldyzdarynyń, sýretshilerdiń, fılosoftardyń, jýrnalısterdiń, sondaı-aq kishkentaı balalardyń áńgimeleri baıandalǵan rolıkterden turady. Ár rolıktiń uzaqtyǵy 3 mınýt 25 sekýnd. Rejısser akterlarǵa osy ýaqyt ishinde kamera aldynda ne istegileri kelse, sony jasaýǵa ruqsat bergen.
Fılm qarasha aıynyń sońynda Avınonda, al qańtar aıynda Parıjde kórsetiledi.
Rejısser o basta óziniń shyǵarmashyl dostarynyń 100 beıneportretin jasap, olardy bir jobaǵa biriktirmek bolǵan. Biraq keıinnen bul ıdeıanyń ózine unaǵany sonsha, rejısser ony ári qaraı jalǵastyrý týraly sheshim qabyldaǵan, dep habarlaıdy «RIA «Novostı» agenttigi.
