Frantsııada «Álem» atty qazaqtardyń jańa qaýymdastyǵy quryldy

NUR-SULTAN. QazAqparat – Parıj qalasynda ótip jatqan «Eýropa qazaqtarynyń kezdesý-quryltaıynda» qazaqtardyń «Álem» atty jańa qaýymdastyǵy quryldy, dep habarlaıdy QazAqparat «Otandastar qory» qoǵamyna silteme jasap.

Qaýymdastyqtyń ashylý saltanatyna QR Frantsııadaǵy tótenshe jáne ókiletti elshisi Jan Galıev pen «Otandastar qory» KEAQ Prezıdenti Abzal Saparbekuly qatysyp, aldaǵy josparlaryna sáttilik tiledi.

Qaýymdastyqtyń maqsaty – qazaqtyń ulttyq qundylyqtaryn dáriptep, atameken Qazaqstanmen baılanystardy nyǵaıtý.

Ótkizilip jatqan sharaǵa «Álem» qaýymdastyǵynyń tóraıymy Imasheva Zýlfat Gılzakrı men vıtse-prezıdenti Maıra Skakova qatysty. Qaýymdastyq basshysy Z. Imashova shetelge ketip, esimderi umytylǵan qazaq juldyzdaryn halyqqa tanytý men qaıtadan jańǵyrtý – qaýymdastyqtyń basym baǵyttarynyń biri bolatyndyǵyn aıtty.