Frantsııada AQSh-taǵy Bahreın elshisin tonap ketti
NUR-SULTAN. QazAqparat – Frantsııanyń ońtústiginde belgisiz bireýler AQSh-taǵy Bahreın elshisine shabýyl jasap, quny 130 myń dollar bolatyn saǵatyn tartyp alǵan, dep habarlaıdy QazAqparat Agence France-Presse agenttigine silteme jasap.
Agenttiktiń málimetinshe, oqıǵa elshi sheıh Abdýlla ben Rashıd ben Abdýla Al Halıfa áıelimen jáne qyzdarymen Grass qalasynda demalysyn ótkizip, Valorıs qalasyna qaıtyp bara jatqan kezde bolǵan. Úsh nemese tórt qaskúnem elshiniń avtokóligin toqtatyp, kóliktiń aınalasyna kózden jas aǵyzatyn gaz shashqan. Artynan shabýyl jasaǵandardyń biri dıplomatty gaz ballonymen basynan urǵan.
Qylmyskerler qymbat saǵattan basqa elshiniń áıeliniń sómkesin tartyp alǵan. Onyń ishinde aqsha men jeke kýálik bolǵan.
Tergeý isi Grass prokýratýrasy men polıtsııa qyzmetine tapsyryldy
