Frantsııada 70-shi Kann kınofestıvali bastaldy
ASTANA. QazAqparat - Frantsııada halyqaralyq Kann kınofestıvali 70-shi ret ótkiziledi, dep habarlaıdy reseılik TASS agenttigi.
Eki myńǵa jýyq tolyqmetrajdy fılmderdiń ishinen festıval komıssııasy bul joly 150-ge jýyǵyn iriktep aldy.
Alǵashqy Kann kınofestıvali Frantsııada 1946 jyly ótkizilgen. Sol joly Fılm avtorlarynyń qaýymdastyǵy úzdik rejıssýraǵa soǵys týraly kartına túsirgen keńes rejısseri Mıhaıl Romm laıyq dep tapty.
Festıval Gran-prıi basty róldi Mıhaıl Derjavınniń úlkeni oınaǵan Stalıngrad qorǵaýshylary týraly Frıdrıh Ermlerdiń fılmi aldy.
Jyl saıyn ótkiziletin festıval qurylǵaly beri eki márte ǵana qarjy jetispeýshiliginen ótkizilmegen (1948 jáne 1950 jyldary).
Aıta keterligi buǵan deıin ıtalııalyq aktrısa Monıka Bellýchchı Kann festıvaliniń júrgizýshisi bolady dep habarlandy. Monıka Bellýchchı 17-28 mamyr aralyǵynda ótetin kınoforýmnyń saltanatty ashylý jáne jabylý rásimin júrgizedi.
Sonymen qatar, jas rejısser Dıas Ázimjanovtyń «ÝltıO» (ULTIO) atty qysqametrajdy fılmi Qazaqstan atynan Kann festıvaliniń Short Film Cornersektsııasynda kórsetiledi . «ÝltıO» - jas jubaılar, ata-ana jáne balalar arasyndaǵy kúrdeli qarym-qatynastardy kórsetetin mıstıkalyq elementteri bar otbasylyq psıxologııalyq drama.
