Frantsııada 67-shi Kann kınofestıvali ashyldy
ASTANA. QazAqparat - Sársenbi kúni Frantsııanyń ońtústiginde 67-shi Kann halyqaralyq kınofestıvali óz jumysyn bastady. Forým frantsýz rejısseri Olıve Daannyń «Monako hanshaıymy» fılmin kórsetýmen bastaldy, dep habarlaıdy ITAR-TASS.
Fılm Monako knıazi Rene ІІІ-ge kúıeýge shyqqan jáne gollıvýd juldyzy mártebesinen góri hanshaıyn ataǵyn qolaıly kórgen ataqty amerıkan aktrısasy, «Oskar» syılyǵynyń laýreaty Greıs Kellıdiń ómiri týraly baıandaıdy. Greıs Kellıdiń rólin kartınada aktrısa Nıkol Kıdman somdaıdy, ol ótken jylǵy Kann kınofestıvali qazylar alqasynyń quramynda bolǵan edi. Knıaz Alber II bastaǵan Monako knıazdik otbasy hanshaıymnyń kórsetilgen beınesine qarsylyp bildirip, kartınaǵa boıkot jarııalady. Alber «Monako hanshaıymy» fılmin "fars" dep atady. Degenmen fılmdi tolyq kórmegenin, tek treılerimen ǵana tanys ekenin moıyndady. Alaıda Grımaldı dınastııasynyń boıkotyn Eýropanyń ózge aqsúıek otbasylary da, kınematografııalyq álem de, buqara da qoldamady. Kınofestıvaldiń basty júldesi - «Altyn palma butaǵyna» 18 lenta talasqa túsedi. Olardyń arasynda Andreı Zvıagıntsevtiń «Levıafan», Atom Egoıannyń «Túnder patshaıymy», Jan-Per men Lıýk Dardenniń «Eki kún, bir tún» (basty rólde - Marıon Kotıııar), Devıd Kronenbergtiń «Juldyzdy karta», Jan-Lıýk Godardyń «Sóz, qosh!», Tommı Lı Djonstyń «Jergilikti» jáne basqa da kartınalar bar. Kann festıvalininen habar taratýǵa álemniń túkpir-túkpirinen 4 myń jýrnalıst kelgen. Atalǵan festıval 25 mamyrda jeńimpazdardy marapattaý rásimimen aıaqtalady.
