Frantsııada 49 jolaýshy mingen avtobýs apatqa ushyrady
NUR-SULTAN. QazAqparat – Frantsııanyń Maıen departamentindegi Shanje kommýnasynda 49 jolaýshy, sonyń ishinde kolledj stýdentteri mingen avtobýs joldan shyǵyp ketip, 20 adam túrli jaraqat aldy. Bul týraly beısenbide BFM telearnasy málim etti, dep habarlaıdy QazAqparat.
Departamenttiń prefektýrasy jol apatynda basqa kólik quraldary zaqymdalmaǵanyn rastady. Avtobýs joldyń shetinde aýdarylyp qalǵan. Avtobýs júrgizýshisi oqıǵa ornyna kelgen tergeýshilerge ózin jaman sezingenin aıtqan.
Polıtseıler eki zardap shegýshiniń aýyr halde jatqanyn habarlady. France Bleu
radıostansasynyń málimetinshe, qutqarýshylar eki jaraqattanýshyny Laval qalasyndaǵy gospıtalge jetkizgen.
