Frantsııada 45 myń polıtseı tártipti qamtamasyz etýde

PARIJ. QazAqparat – Frantsııa Іshki ister mınıstri Jerald Darmanın eldegi tártipti qamatamasyz etý úshin úsh táýlikten beri 45 myń polıtseı jumyldyrylǵanyn aıtty, dep habarlaıdy QazAqparat menshikti tilshisi.

ІІM basshysy jeksenbi kúni jınalys ótkizip, onyń nátıjesimen polıtseılerdiń úlken kúshimen tártip saqtaýdy jalǵastyrý sheshimi qabyldandy.

Osy kezdesý barysynda ishki ister mınıstri «qatańdyq» týraly buıryqty qaıtalap, tártip buzýshylardy qamaýǵa alý «neǵurlym jyldam» júrgizilip otyrýyn talap etti.
Buǵan deıin ІІM basshysy J.Darmanın «kelesi joly polıtseıge nemese jandarmǵa bireý tıisse, ol izdep-tabylatynyn jáne qatań jaýapqa tartylatynyni» málimdedi.

Eske salaıyq, Frantsııada narazylyqtar ótken aptanyń basynda Aljır týmasy 17 jastaǵy Nahel Merzýkti polıtsııa qyzmetkeri atyp óltirgennen keıin bastaldy. Jas jigittiń ólimi Frantsııanyń margınaldy qaýymdastyqtaryndaǵy polıtsııa jumysy týraly pikirtalasty qaıta jandandyryp, násildik qatynas kisi óltirý faktoryna aınaldy ma degen suraqtar týǵyzdy.

Keshe, jeksenbi kúni Frantsııanyń Val-de-Marn departamentindegi L'Aı-le-Roz qalasynyń meri Vınsent Janbrýn úıine shabýyl jasalǵanyn málimdep, muny eldegi tártipsizdikter aıasynda óz otbasyn «óltirý áreketi» dep ataǵan bolatyn.

Eldiń Іshki ister mınıstrliginiń aldyn ala málimeti boıynsha, 700-den astam adam qamaýǵa alyndy.