Frantsııada 35 jastaǵy er adam bastyǵynyń basyn kesip, sýretke túsken
ASTANA. QazAqparat - Frantsııa polıtsııasynyń málimdeýinshe, Frantsııadaǵy suıytylǵan gaz zaýytyna shabýyl jasady degen kúdikti óz bastyǵynyń basyn kesip, fotosýretke túsken, dep jazady Bı-bı-sı.
Selfı úlgisindegi fotosýretti «WhatsApp» habarlama qyzmeti arqyly Soltústik Amerıkada tirkelgen nómirge jibergen. Sýretti alýshynyń esimi anyqtalý ústinde.
Lıon mańyndaǵy Sen-Kanten-Fallave zaýytyna juma, 26 maýsym kúni shabýyl jasaldy. Kóliktik kompanııanyń qyzmetkeri qyzmettik kóligimen kásiporynnyń aýmaǵyna kirip, odan keıin dalada turǵan gaz ballondaryna soǵylǵan. Qoıma jumysshylarynyń eshbiri zardap shekken joq, alaıda oqıǵa ornynda er adamnyń basy kesilip jatqany jáne ıslam atyn jamylǵan sodyrlardyń týlary anyqtaldy. Shabýyl jasady degen kúdikpen 35 jastaǵy ıAsın Salı esimdi adam ustaldy. Parıj prokýratýrasy ókiliniń aıtýynsha, ázirge ol kinásin moıyndaǵan joq.
