Frantsııada 2015 jyly engizilgen tótenshe jaǵdaı rejımi toqtatyldy
BRıÝSSELЬ. QazAqparat - Frantsııada 1 qarasha, sársenbi kúni 2015 jylǵy teraktiden keıin engizilgen tótenshe jaǵdaı rejımi toqtatyldy, dep habarlaıdy «QazAqparat» HAA-nyń menshikti tilshisi.
Frantsııa 2015 jylǵy 13 qarashada bolǵan jan túrshigerlik teraktiden keıin tótenshe jaǵdaı rejımin engizgen bolatyn. Sodan beri ony 6 ret sozǵan. Osy ýaqyt aralyǵynda 4,4 myń ret tintý jumystary júrgizilgen.
Tótenshe jaǵdaılar rejımi toqtatylǵanmen, ishki qaýipsizdik jáne lańkestikke qarsy kúres týraly jańa zańǵa sáıkes, quqyq qorǵaý organdarynyń lańkestik jáne ekstremızmge qarsy kúres salasyndaǵy keńeıtilgen ókilettikteri óz kúshinde qala bermek. Prezıdent Emmanıýel Makron dúısenbi kúni qol qoıǵan zań tintý júrgizýge, dinı uıymdardy jabýǵa, sondaı-aq lańkestermen baılanysy bolýy múmkin kúdiktilerdiń bir jerden ekinshi jerge kóshýine tyıym salýǵa quqyq beredi.
