Frantsııada 14,5 myń memqyzmetshi qysqartylmaq
ASTANA. QazAqparat - Frantsııa úkimeti memlekettik qyzmetshiler apparatyna aýqymdy ońtaılandyrý júrgizbek. Sonyń aıasynda taıaý eki jyldyń ishinde 14,5 myń jumys ornyn qysqartý josparlanýda.
Bul týraly respýblıkanyń premer-mınıstri Edýar Fılıpp Le Journal du Dimanche basylymyna bergen suhbatynda málimdedi.
"2019 jyly biz shamamen 4,5 myń jumys ornyn qysqartýdy qarastyrýdamyz. Al 2020 jyly bul tsıfr 10 myńnan asady»,-dep habarlady premer.
Fılıptiń atap ótýinshe, onyń úkimeti prezıdent Emmanıýel Makronnyń saılaý aldynda bergen ýádesiniń birin osylaısha oryndamaq. Emmanıýel Makron óziniń saılaý naýqany barysynda 5 jyldyq prezıdenttik merzim ishinde (2017 jyldan bastap 2022 jylǵa deıin) memlekettik apparat qurylymyn ońtaılandyra otyryp, jalpy alǵanda 50 myń memlekettik qyzmetshini qysqartý nıeti týraly málimdegen bolatyn.
