Frantsııa jańa saılanǵan prezıdenti Makrondy ulyqtaý rásimine daıyndalyp jatyr
ASTANA. QazAqparat - Parıjde Frantsııa prezıdenti Fransýa Ollandtyń jańa saılanǵan memleket basshysy Emmanýel Makronǵa ókilettiligin tabystaý rásiminiń qarsańynda qaýipsizdik sharalary kúsheıtildi.
Resmı shara jergilikti ýaqyt boıynsha saǵat 10.00-de bastalady.
Qalyptasqan dástúr boıynsha Olland izin jalǵastyrýshysyn frantsýz astanasynyń ortalyǵynda ornalasqan Elıseı saraıyndaǵy qyzyl kilem ústinde kútip alyp, ekeýi birge ishke kiredi. Bul jerde ol jańa prezıdentke birqatar «memlekettik qupııalardy» málimdeıdi. Osydan keıin Makron qalalyq basqarmaǵa baryp, Parıj meri Ann Idalgonyń qabyldaýynda bolmaq.
Dúısenbiden keshikpeı Makron jańa premer-mınıstrdiń atyn ataýy tıis. Seısenbige deıin Úkimet qurylýy mindetti.
Makron 1977 jyly soltústik Frantsııanyń Amen qalasynda dárigerler otbasynda dúnıege kelgen. Ol Frantsııa tarıhyndaǵy eń jas prezıdent.
