Frantsııa jaǵalaýynan Ekinshi Reıhtyń súńgýir qaıyǵy tabyldy
ASTANA. QazAqparat - Frantsııanyń soltústigindegi Vıssan qalasynyń mańynda Birinshi dúnıejúzilik soǵys kezindegi nemistiń súńgýir qaıyǵynyń synyqtary tabyldy, dep jazady Voix du Nord gazeti.
Basylymnyń derekterine qaraǵanda, sýbmarındi sýdyń qaıtýy kezinde tapqan. Tarıhshylardyń aıtýynsha, súńgýir qaıyq 1917 jyldyń 25-shi shildesinen 26-syna qaraǵan túni taıaz sýda qaıyrlap qalǵan.
«Oǵan tapsyrylǵan mindet - mına tasý jáne kózdelgen jerge qoıý. Sol sebepti bul súńgýir qaıyq jaǵalaýǵa tym jaqyn kelgen»,- deıdi jergilikti gıd Vınsent Shmıtt.
Ekıpajdyń 25 múshesi evakýatsııalanyp, jaý qolyna túspesi úshin sýbmarındi jaryp jibergeni atap ótiledi. Biraq nemis teńizshileri kóp uzamaı sol mańda qolǵa túsken.
