09:33, 11 Qańtar 2023 | GMT +6
Frantsııa zeınet jasyn 64-ke deıin kótermekshi
PARIJ. QazAqparat - Frantsııa úkimeti 2030 jylǵa qaraı zeınetke shyǵý jasyn eki jylǵa - 64 jasqa deıin kóterýdi josparlap otyrǵanyn málimdedi, dep habarlaıdy QazAqparat dw.com saıtyna silteme jasap.
Seısenbide Parıjde el premer-mınıatri Elızabet Born osy jospar týraly jarııalaı otyryp, reformanyń maqsaty - 2030 jyly teńdestirilgen zeınet júıesimen qamtamasyz etý ekenin atap ótti.
Úkimet boljamyna sáıkes, Frantsııa zeınetaqy qorynda qarajattyń jetispeýi ol ýaqytqa deıin 20 mlrd eýrony quraıdy.
Zeınet jasyn kóterýmen qatar jumysshylardyń zeınetaqy qoryna tóleıtin jarnasynyń eń tómengi merzimi 43 jasqa deıin kóterildi.
Al eń tómengi zeınetaqy kólemi aıyna 1200 eýroǵa deıin ósedi.
Úkimettiń zeınetke shyǵý jasyn kóterý jospary kásipodaq tarapynan qatty synǵa ushyrady.
«Mundaı qadam búkil frantsýz jumysshylaryna aýyr soqqy bolady» dep eskertti olar.
