Frantsııa Ulybrıtanııadan keletin azamattarǵa baqylaýdy kúsheıtpek
NUR-SULTAN. QazAqparat - Frantsııa 31 mamyrdan bastap shekarada Ulybrıtanııadan keletin azamattarǵa baqylaýdy kúsheıtedi, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Atap aıtqanda, Ulybrıtanııa azamattary Frantsııaǵa kelgenge deıin 48 saǵat buryn júrgizilgen PTR-diń teris nátıjesi bar anyqtamany usynýy tıis. Sonymen qatar, barlyq saıahatshylar jeti kún ishinde oqshaýlanýǵa májbúr bolady.
Ekonomıkasy týrızmge táýeldi Ispanııa tek Eýropalyq odaq elderiniń týrısterin ǵana emes, basqa memleketterden keletin saıahatshylardy da qabyldaýǵa daıyn. 7 maýsymnan bastap patshalyq ekpe saldyrǵan barlyq týrısterge kirýge ruqsat beredi. Aldaǵy dúısenbiden bastap Ispanııaǵa EO-ǵa kirmeıtin, biraq epıdemıologııalyq jaǵdaıy jaǵynan qaýip tóndirý deńgeıi tómen topqa kiretin 10 elden saıahatshylar da PTR testsiz kele alady. Olardyń qatarynda amerıkalyqtar, brıtanııalyqtar, japondar, ızraıldikter, Jańa Zelandııalyqtar men avstralııalyqtar bar.
Chehııa bıligi dúısenbiden bastap COVID-19-ǵa qarsy kúres aıasynda engizilgen shekteý sharalaryn jeńildetýde. Atap aıtqanda, 31 mamyrdan bastap meıramhanalar men dámhanalarǵa barýǵa ruqsat beriledi, barlar men dıskotekalar da ashylady. Bul rette qatań talaptardyń da saqtalatyndyǵyn aıta ketý kerek. Tamaqtaný oryndaryndaǵy qonaqtar sany otyratyn oryndar sanynan aspaýy tıis.
«Sonymen qatar, memleket jeti elden, onyń ishinde Germanııa, Avstrııa, Vengrııa jáne Polshadan keletin týrısterdi jibere bastaıdy»,-delingen habarlamada.
