Frantsııa úkimeti sıyr etiniń ornyna jylqy etin satqandardy taýyp jazalamaq
ASTANA. 10 aqpan. QazAqparat - Frantsııa úkimeti sıyr etiniń ornyna jylqy etin satqan tasymaldaýshylardy jazalamaq, dep habarlaıdy RBK.
|
Daýly oqıǵa Ulybrıtanııada órbidi, keıin Frantsııaǵa ulasty. Barlyǵy muzdatylǵan ónimder shyǵaratyn Findus kompanııasynan bastaldy, ol sıyr etiniń quramynda jylqy etiniń paıyzdyq kórsetkishteri joǵary degen kúdikpen dúken sórelerinen óz ónimderin qaıtara bastaǵan. Tergeý frantsýzdyq sıyr etiniń ornyna rýmyn jylqy eti jetkizilgenin anyqtady. Findus tasymaldaýshysy - Frantsııanyń shyǵysynda ornalasqan Comigel kompanııasy etti basqa deldaldan alǵanyn aıtyp aqtalýda. «Bizdiń ónimdegi sertıfıkattalǵan frantsýz sıyr eti dep oıladyq. Biraq shyn mánisinde ol rýmyn jylqy eti bolyp shyqty. Biz aldandyq», - deıdi Findus kompanııasynyń bas dırektory Mate Lambo. Sońǵy jyldary Frantsııada jylqy eti suranysqa ıe bolmaı, osy salada qyzmet etetin et satýshy dúkender jabylyp qalǵan bolatyn.
|
