Frantsııa Úkimeti prezıdenttik saılaý kúnin jarııa etti
ASTANA. 11 mamyr. QazAqparat - Frantsııa Úkimeti búgin eldegi prezıdenttik saılaý kúnin belgiledi. Saılaýdyń eki kezeńi 2012 jyldyń 22 sáýiri men 5 mamyry kúnderi ótetin bolady, dep málim etti frantsýzdyq mınıstrler kabınetiniń resmı ókili Fransýa Barýan.
Bul týraly RBK agenttigi habarlady.
Áleýmettik zertteýlerdiń qorytyndysy boıynsha, saılaýdaǵy negizgi eki qarsylas qazirgi el prezıdenti Nıkolıa Sarkozı men sotsıalıstik partııa ókili bolmaq. Qoǵamdyq pikirge júrgizilgen saýalnama sotsıalıster atynan Halyqaralyq valıýta qorynyń basshysy Domınık Stross-Kan saılaýǵa túsýi múmkin ekenin kórsetti.
F.Barýan sondaı-aq Frantsııadaǵy parlamenttik saılaý da eki raýndta 2012 jyldyń 10 jáne 17 maýsym kúnderi ótetindigin habarlady.
