Frantsııa turǵyndarynyń 76% zeınet reformasyna qarsy

ASTANA. QazAqparat – Frantsııa kóshelerine júz myńdaǵan adam shyqty: 31 qańtar kúni kásipodaq pen solshyl saıası kúshterdiń úndeýimen zeınet reformasyna qarsy jalpyulttyq ereýil ótti, dep habarlaıdy QazAqparat euronews-ke silteme jasap.

Osy kúnderi parlamenttik arnaıy komıssııa zeınet jasyn 62-den 64-ke kóterýdi kózdeıtin úkimet usynǵan qujatty shıelenisken jaǵdaıda qarap jatyr.

Ereýilge transport, energosektor mekemeleri, poshtashylar, muǵalimder, kommýnaldyq qyzmetkerler, memlekettik qyzmetshiler qatysýda. Qarsylyq sharalaryn qoldaý artyp jatyr: áleýmettik saýalnama deregi boıynsha, Frantsııa turǵyndarynyń 76 % reformaǵa qarsy.

Qarsylyq sharasyna lıtseı men ýnıversıtet oqýshylary da qosyldy.

Frantsııa úkimeti reforma ótkizý qajettigin alǵa tartady. Premer-mınıstr Elızabet Bornnyń sózinshe, zeınet jasyn kóterý – sońǵy sheshim jáne «kelissóz júrgizý quraly bola almaıdy».

Foto: Thibault Camus/AP