Frantsııa turǵyndaryn vaktsınalaý qarqynyn jyldamdatty

BRıÝSSELЬ-PARIJ. QazAqparat – Frantsııa eliniń prezıdenti Emmanıýel Makron 15 maýsymnan bastap COVID-19 vırýsyna qarsy vaktsınanyń 18 jastan asqandar úshin qoljetimdi bolatynyn málimdedi, dep habarlaıdy QazAqparat Frantsııa kóshbasshysynyń Twitter áleýmettik jelisindegi jazbasyna silteme jasap.

Budan basqa, prezıdent 1 mamyrdan bastap elde 55 jastan asqan adamdarǵa vaktsına egile bastaıtynyn habarlady.

Frantsııada vaktsınalaýdyń kelesi mańyzdy kezeńi 15 mamyrǵa josparlanǵan, bul kezde medıtsınalyq ortalyqtarǵa 50-54 jas aralyǵyndaǵy adamdar shaqyryldy.

Public Health France málimetinshe, 28 sáýirdegi jaǵdaı boıynsha Frantsııanyń 14,9 mln turǵynyna kem degende bir ekpe salynǵan, sonyń ishinde 6,3 mln turǵyn eki doza egildi. 60 jas jáne odan asqandardyń 40 paıyzǵa jýyǵyna áli vaktsına alynbady.

Buǵan deıin Frantsııa bıligi Eýroodaqtyń barlyq elderiniń arasynda vaktsınalaý protsesin baıaý bastaǵany úshin synǵa ushyrady.