Frantsııa tarapy qazaqstandyqtardan resmı túrde keshirim suraıtyn boldy - SІM
ASTANA. 7 qarasha. QazAqparat /Aıdar Ospanalıev/ - Parıjde aýyr atletıkadan ótip jatqan chempıonat kezinde Qazaqstannyń burynǵy ánuranynyń oryndalýyna baılanysty Frantsııa tarapy qazaqstandyqtardan resmı túrde keshirim suraıtyn boldy.
Bul týraly búgin jýrnalıstermen bolǵan brıfıngte Syrtqy ister mınıstrliginiń resmı ókili Altaı Ábıbýllaev málim etti.
Onyń sózine qaraǵanda, chempıonatta elimizdiń eski ánurany oryndalǵan soń qazaqstandyq delegatsııa Qazaqstannyń Parıjdegi Elshiligimen birge frantsýz tarapyna narazylyq bildirgen. «Osyǵan baılanysty frantsýz tarapy, naqtyraq aıtqanda Frantsııanyń Aýyr atletıka federatsııasynyń prezıdenti qazaqstandyqtardan keshirim suraýǵa resmı túrde ýáde etti»,-dedi resmı ókil.
