Frantsııa Syrtqy ister mınıstrligi Nıtstsadaǵy lańkestikten naqty qansha adam japa shekkenin málim etti
ASTANA. QazAqparat - Nıtstsadaǵy teraktiden japa shekkenderdiń jalpy sany - 303 adam. Bul týraly Frantsııa densaýlyq saqtaý mınıstriligi habarlady, dep jazady RIA Novostı.
«14 shilde kúni keshke qaraı Nıtstsada bolǵan terakt saldarynan 303 adam aýrýhanaǵa túsken. Onyń 121-i áli de emdelip jatyr. 30-y - kishkene balalar, barlyǵy da Lenval aýrýhanasynda jatyr. 26 adam áli de jansaqtaý bóliminde. Onyń 5-eýi - bala», - delingen habarlamada.
Eske sala keteıik, 14 shilde kúni keshke qaraı Nıtstsanyń aǵylshyn jaǵalaýynda Bastılııa qamalynyń alynýy kúni merekesine oraı uıymdastyrylǵan otshashýdy tamashalaýǵa jınalǵan halyqty lańkes júk kóligimen taptap ótken. Oqıǵa saldarynan 84 adam qaza tapty.
