Frantsııa syrtqy ister mınıstriniń balasy alaıaqtyq jasady dep aıyptalyp otyr
ASTANA. QazAqparat - AQSh-tyń Nevada shtaty polıtsııasy Frantsııa Syrtqy ister mınıstri Loran Fabıýstyń 33 jastaǵy uly Tomas Fabıýsty tutqyndaýǵa ruqsat aldy, dep habarlady Reuters.
Agenttiktiń jazýynsha, 2012 jyly Fabıýs Las-Vegastaǵy oıynhanalarda jeke esep shotynda qarajat bolmasa da 3,5 mln dollarǵa úsh chek jazyp bergen. Osyǵan baılanysty ony, AQSh bıligi alaıaqtyq jáne urlyq jasady dep aıyptap otyr. «Aıyptaýǵa baılanysty Fabıýstyń ókilderimen sóılesip, pikir alýǵa mmkindik týǵan joq», delingen Reuters agenttigine silteme jasaı otyryp taratqan «TASS» aqparatynda. Foto: John Locher / AR
