Frantsııa Senaty Qazaqstan men EO kelisimin ratıfıkatsııalaýǵa qatysty zań jobasyn talqylaıdy
ASTANA. QazAqparat - Qazaqstan men EO arasyndaǵy yntymaqtastyq pen keńeıtilgen áriptestik týraly kelisimdi ratıfıkatsııalaýǵa qatysty zań jobasyn Frantsııa Senaty talqylaıtyn bolady.
Bul týraly QR SІM baspasóz qyzmeti habarlaıdy.
Frantsııa Senatynda Qazaqstan Respýblıkasynyń Elshisi Jan Ǵalıev senator Paskal Allızarǵa Qazaqstan men Eýropa odaǵy arasyndaǵy yntymaqtastyq pen keńeıtilgen áriptestik týraly kelisimdi ratıfıkatsııalaýǵa qatysty zań jobasyn qabyldaý máselesin baıandady.
Qujat mátini aǵymdaǵy jyldyń 15 aqpanynda frantsýz Parlamentiniń joǵarǵy palatasynda saılaýǵa usynylatyn bolady.
Kezdesý barysynda Halyqaralyq ister boıynsha komıtetiniń EO-nyń elimizben áriptestiginiń jańa bolashaǵyna, adam quqyqtary men demokratııa salasyna, terrorızmmen kúresý jáne jahandyq qaýip-qaterge toıtarys berýge qatysty suraqtaryna, sonymen qatar Astananyń bitimgerlik yqylasy jaıynda Elshi tolyqqandy jaýap berdi.
Otandyq Qazaqstan elshisi «Frantsııa-Ortalyq Azııa» dostyǵy jańartylǵan tobynyń jetekshisi Natalı Gýle, Qazaqstanmen áriptestik isteri boıynsha taǵaıyndalǵan senator Rene Danezı jáne ózge de parlament múshelerimen kezdesý ótkizdi. Taraptar parlamentaralyq áriptestikti, onyń ishinde EQYU PA sheńberinde áriptestikti odan ári damytýdy jáne Prezıdent Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýy áserimen ekijaqty almasýdy ulǵaıtý máselelerin talqylady. Sóz barysynda Elshi frantsýz kóshbasshysy Emmanıýel Makronnyń Davos ekonomıkalyq forýmynda aıtyp ótken túıindi tezısteri Qazaqstan Prezıdentiniń qoıǵan jańa maqsattary men mindetteri tusynda kózqarastarynyń uqsastyǵyn atap ótti.
Áńgimelesý qorytyndysy boıynsha Elshiniń dostyq tobynyń múshelerimen júıeli túrde kezdesýler júrgizýine jáne ortalyqsyzdandyrylǵan yntymaqtastyq aıasynda frantsýz aımaqtaryna birlesken is saparlardy uıymdastyrýǵa qol jetkizildi.
