Frantsııa senaty halyqtyń narazylyǵyn týdyrǵan zeınetaqy reformasyn qabyldady
ASTANA.QazAqparat - Frantsııa senaty ereýilder men narazylyqtar týdyrǵan zeınetaqy reformasyn maquldady. Zań jobasynda 2030 jylǵa qaraı zeınet jasyn 62-den 64-ke deıin ulǵaıtý kózdelgen, dep habarlaıdy QazAqparat RBK agenttigine silteme jasap.
Frantsııa senaty zeınetaqy reformasy týraly zań jobasyn tolyǵymen maquldady. Oǵan 195 adam oń, 112 adam qarsy daýys berdi. Daýys berý nátıjesin premer-mınıstr Elızabet Born Twitter-de jarııalady.
«Senat júzdegen saǵattyq pikirtalastardan keıin zeınetaqy reformasynyń zań jobasyn qabyldady. Bul zeınetaqy qorynyń bolashaǵyn qamtamasyz etetin reformalardaǵy sheshýshi qadam. Aldaǵy birneshe kúnde ony qabyldaýǵa tolyq daıynmyn», - dep jazdy ol.
Zań jobasynda 2030 jylǵa qaraı zeınet jasyn 62-den 64-ke deıin ulǵaıtý kózdelgen. Úkimet buǵan deıin zeınet jasyn 65 emes, 64-ke deıin tómendetýge kelisip, barlyǵyna 1200 eýro kólemindegi eń tómengi zeınetaqyny ýáde etken bolatyn.
