Frantsııa prezıdentiniń ekinshi áıeli birinshi áıelin saılaýda qoldamady
ASTANA. 14 maýsym. QazAqparat - Frantsııa Prezıdenti Fransýa Ollandtyń ekinshi áıeli birinshi áıelin parlamenttik saılaýda qoldamaı otyr. Saılaýdyń ekinshi týry maýsymnyń 17-de ótedi.
Bul týraly Qazaqstan ulttyq arnasy habarlaıdy.
Al, birinshi týrda prezıdenttiń partııalastary - sotsıalıster jeńiske jetti. Ollandtyń azamattyq nekedegi jubaıy Valerı Trerveıler kúıeýiniń aralarynda tórt balasy bar burynǵy áıeliniń depýtat bolǵanyn quptamaıtynyn «Tvıtterdegi» blogynda jazyp qaldyrǵan. Alaıda, Prezıdenttiń ózi - Segolen Rýaıal jaǵynda. Onyń burynǵy jary Rýaıal aldaǵy saılaýda jeńiske jetse, Ulttyq Assambleıada spıker bolýǵa kúsh salmaq. Eger bul maqsaty oryndalsa, Rýaıal hanym bolashaqta memleket basshysymen kúnde habarlasyp turýy kerek bolady.
