Frantsııa Prezıdenti Olland Eýro-2012 qarsy baıkot jarııalaǵandarǵa qosyldy
ASTANA. 24 mamyr. QazAqparat - Frantsııa Prezıdenti Fransýa Olland burynǵy premer-mınıstr ıÝlııa Tımoshenkonyń aınalasyndaǵy jaǵdaıǵa baılanysty
Ýkraınada ótetin fýtbol boıynsha Eýropa chempıonatynyń matchtaryna barmaıtyndyǵyn bildirdi. Bul týraly AFP saıtynda aıtylady.
«Men fýtboldy óte qatty unatamyn, biraq Ýkraınada bolyp jatqan jaǵdaı problema týyndatpaq», - dedi ol Brıýsselde ótken Eýropalyq odaq sammıtinen keıin bergen baspasóz máslıhatynda.
Eske salaıyq, buǵan deıin Germanııa kantsleri Angela Merkel Eýro-2012-ge Tımoshenko bostandyqqa shyǵarylǵannan keıin ǵana baratyndyǵyn aıtqan bolatyn. Merkel nemis mınıstrlerin de Ýkraınaǵa sapardan bas tartýǵa shaqyrdy. Ýkraınaǵa qarsy baıkotty sondaı-aq, brıtan hanzadasy Ýılıam, Avstrııa, Gollandııa jáne Belgııanyń saıasatkerleri jarııalady.
Eýro-2012 Ýkraına men Polshada 8 maýsymda bastalyp, 1 shilde kúni aıaqtalady. Týrnırge 16 qurama qatysady.
